媒體報導 【真情對話】容光耀寄語青年及早訂立理財目標
【真情對話】容光耀寄語青年及早訂立理財目標
更新時間:2018-04-12 04:41:36

為加強年青人對特區政府社保政策嘅認識,社會保障基金早前聯同教育暨青年局合辦以“及早綢繆.退休無憂”為主題嘅與青年對話活動。社保基金行政管理委員會主席容光耀回答網上提問之外,仲同現場約80名青年交流意見,氣氛熱烈。

容主席首先向現場同收睇網上直播嘅青年朋友介紹政府嘅社會保障政策。佢指出,隨住社會發展,澳門同全球好多國家或地區一樣面臨人口老化問題,因此雙層式社會保障制度係特區政府養老保障政策非常重要嘅一環!

喺回應同交流環節,有唔少問題都同啱啱生效嘅非強制性中央公積金制度有關,容主席都一一幫大家釐清。最後仲寄語年青朋友要及早訂立理財目標,尤其善加利用政府資源(例如透過加入非強制央積金的供款制度 ),養成儲蓄習慣,學習投資及理財,並喺人生唔同階段調整投資策略,為未來退休生活早作準備。

查看更多關於雙層式社會保障制度的內容:
第一層社會保障制度:http://www.fss.gov.mo/zh-hant/social/social-intro
第二層非強制性中央公積金制度:http://www.fss.gov.mo/zh-hant/rpc/rpc-intro

資料來源:社會保障基金

重點推介